368

REGISTRES DU BUREAU

[i555]

qui seront escheuz en sa charge, pour après en ordonner ce que verrons estre à faire.

"Au demourant, nous avons sceu aussi par ce que vous avez escript à nostre trés cher et trés amé cousin le Connestable -¹' les excuses que les gens de nostre Court de Parlement, Chambre de noz Comptes, Generaulx des Aydes, Chastelet et Secretaires ont faict et font d'envoyer et depputer d'aucuns d'entre eulx au departement et cottization qui se doibt faire pour les fortiffications de nostre ville de Paris ; sur quoy nous leur escripvons presentement les Lettres que vous pourrez voir; ayans eues lesquelles, nous estimons qu'ilz n'en feront plus de difficulté.

"Toutes foys, affin que le faict desd, fortiffications ne demeure en plus grande longueur, et qu'elles soient continuées et poursuyvies en la dilligence et avec le soing que nous desirons, Nous voullons, vous mandons et ordonnons trés expressement, encore que par les Lettres patentes que nous avons faict expedier pour le faict dud. departement et cottization soit ordonné que aucuns desd, gens de nostre Court

de Parlement, Chambre des Comptes, Generaulx des Aydes, Chastelet, et Secretaires y assisteront, vous ne laissiez, en leur absence, reffuz ou difficultez, à y passer oultre, et les faire en vostre Chambre de Ville le plus justement et egallement que vous pourrez; et ce qui y sera ainsi arresté faire executer comme il a esté ci devant faict; gardant la presente signée de nostre propre main pour vostre descharge en cest endroict, sur laquelle vous seront expediées toutes les provisions necessaires pour la validation d'icelluy departement et cottization, à quoy nous desirons qu'il soit usé de toute dilligence. Et ne nous sauriez faire plus agreable service que en ce faisant, etaussi de haster tant que vous pourrez le parfournissement de ce que vous povez devoir de la soulde des cinquante mil hommes de pied, pour nous en ayder aux affaires que vous voyez que nous avons.

"Donné à Fontainebleaue, le xxini⁰ jour d'Avril mil v^c lv. "

Signé: "HENRY".

Et au dessoubz : "de L'Aubespine"'²'.

DCXCIV. — Autres lettres missives du Roy.

Reçues après le 12 mai 1555. (Fol. i32 v°.)

De par le Rov.

Trés chers et bien amez,

" Nous avons par cy devant par autres noz lettres '³⁾faict entendre avoir dedié et affecté pour les fortiffications des villes de frontière de nostre pays de Champagne les xv m. livres que debvez nous payer sur partie de voz deniers commungs et d'octroy, de laquelle n'avez jusques icy fourny que vi m. livres, encores que les termes de payement soient escheuz dès le premier Mars dernier passé; et pour autant que lesd, fortiffications cessent, comme nous sommes ad-vertiz, es plus importantes desd, villes à faute de n'avoir esté par vous satisfaict au parfaict payement desd, xv m. livres, ce qui nous vient à trés grand déplaisir pour la consequence d'icellui ;

"Pour ces causes, Nous vous mandons et enjoignons trés expressement que, incontinant et sans

aucun retardement ou dellay, vous faittes mettre par vostre Receveur es mains de nostre amé et feal Receveur General de noz Finances à Paris, par sa quittance, led. parfaict d'icelle somme de xv ai. livres; mais n'y faittes faulte : car tel est nostre plaisir. "Faict à Fontainebleaue, le xii May v^c lv."

Sur les lettres du Roy cy dessus escriptes, Nous, Prevost des Marchans el Eschevins de lad. Ville, incontinant icelles receues, avons ordonné que m⁰ Philippes Macé, Receveur de lad. Ville, mettra et fournira incontinant et sans dellay es mains du Receveur General des Finances dud. S-^r à Paris, par sa quittance, la somme de ix m. livres faisant le reste et parpaye de la somme de xv 11, livres, poulles causes et ainsi que plus à plain est contenu esd. Lettres.

O Ces Lettres du Bureau n'ont pas été transcrites au Registre.

'2) Entre cet article et le suivant, il convient de signaler un document daté du 27 avril, lequel fait partie du Mémoire dont l'analyse a été donnée ci-dessus, page 33g, note 2, sous la date du 24 octobre 1554.

(3) En date du 9 novembre i554 : ci-dessus art. DCXLVl; voir en outre le paragraphe deuxième de la -Creance^ du s^r de Mandosse, à la date du 3o mars 1555 : ci-dessus art. DCLXXXII.